„Патентиран“ зеленчук во ЕУ!

Јозеф Хекер, селанец што произведува мала количина на органски производи ја објаснува неговата загриженост: „На пазарот неодамна се појавија многу патентирани производи и автоматски исчезнаа другите производи. Луѓето повеќе ги купуваат патентираните производи.“

Патентирање на производи не е ништо ново, но, случајот со брокулите ќе биде преседан. Кристоф Тен, советник за патенти на „Гринпис“, вели дека доколку во иднина биде дозволено патентирање на брокули, тогаш драстично ќе се зголеми нивната цена: „Во основа ваквите патенти предизвикуват монопол на пазарот. Изборот на прехранбени производи се намалува, а цените се покачуваат. Но, доколку се дозволи патентирање на разни сорти брокули ќе дојде до голем наплив на нови патенти. Илјадници апликации за прехранбени производи ќе чекаат на ред за патентирање“, објаснува Кристог Тен од „Гринпис“.

Значајни технолошки достигнувања заслужуваат да бидат патентирани

Фирмата „Плент Биосајанс“ го брани својот патент

„Плент Биосајанс“ го патентираше производството на една посебна сорта брокули, но одбива да даде интервју за целата приказна. Во имејл за Дојче веле, фирмата изјави дека значајни технолошки достигнувања заслужуваат да бидат патентирани: „Научниците користат спој од класични техники и технолошки селективни процеси за да дојдат до различните подвидови на брокулата, потоа да ги идентификуваат и на крајот да ги одберат само оние кои се похранливи, а кои се' уште не постојат во ’популацијата’ на култивираните брокули. Дури и со модерни техники имплементацијата на ваквите стратегии е значаен технички предизвик“, стои во имејлот испратен до Дојче веле.

Европската служба за патентирање на својата интернет страна објави дека нејзина одговорност е едниствено да одреди дали некоја нова технологија е иновативна и применлива за да заслужи да биде патентирана. Анализата на социјални, економски и еколошки импликации е задача на правниците и соодветните институции.

Потребни се построги правила

До сега беше можно патентирање и на корисни животни

Тоа значи дека се потребни нови европски директиви што ќе забрануваат патенти од овој тип, ова е и дејата на Кристоф Тен од Гринпис: „Забраните што постојат во моментов не се доволно јасни. Постојат многу исклучоци и можно е лесно да се избегнат. Затоа е јасно дека единствениот начин да се реши проблемот е на политичко ниво, имено да се променат законите за патенти и да се прецизираат забраните.“

Германската минстерка за земјоделство Илзе Аигнер е исто така противник на ваквите патенти. Таа вели дека тие имаат негативно влијание врз пазарот: „Ако говориме за живи организми, корисни растенија и животни, тогаш мислам дека не смеат да постојат ексклузивни права. Не смее да постои финансиска предност за еден човек или фирма.“

Автор: Мет Зувела/ Бисера Огњановска Митров

Редактор: Александра Трајковска