د امريکا متحده ايالات غواړي چي له طالبانو سره د خبرو اترو بهير ګړندی کړي او د شيکاګو په غونډه کي د ناټو غړو هيوادونو ته د افغانستان د سولي په بهير کي د پام وړ پرمختګ اعلان وکړي.
افغان حکومت وايي چي که بهرنۍ مرستي د دوی له لاري ولګول شي اغيزمنتوب به ئې لوړ او د ضايعاتو مخ نيول شوی وي. دغه غوښته افغان حکومت د څو کلونو راهيسي کوي.
افغان حکومت د ښوونځيو له پاره داسي کتابونه چاپ کړي دي چي پکښي د کورنيو جګړو د تاريخ له يادولو څخه ډډه شوې ده. د ښووني وزارت ويلي دي چي په دغو کتابونو کي زده کوونکي يو والي ته را بلل شوي دي.
له تېرو دوو اونيو راهيسي د خوست ولايت د ګربزو ولسوالۍ اوسيدونکي پخپله سيمه کي د امنيت د ټينګښت او د ناوړو دودونو د مخنيوي له پاره لاس یو کړی دﺉ.
افغان دولت او امریکا له ۲۰۱۴ کال وروسته د افغان ځواکونو د مالي سرچینو په اړه اندیښنه لري. د امریکا د دفاع وزیر د مونشن په کنفرانس کي د ناټو پر غړو هیوادونو غږ وکړ چي افغان ځواکونه تمویل کړي.
په کندهار کي د ښځو د حقوقو فعالان وايي چي د مېرمنو له پاره د امن کور د نه شتون له امله ډيري مېرمني ځان وژني ته زړه ښه کوي. هغه ښځي چي په کورکي له زورزياتي سره مخامخ کیږي مجبوره دي چي و تښتي.
د امریکا د متحده ايالاتو د پوځ يوه غړي ويلي دي چي هيواد ئې د افغانستان له جگړې څخه غلط انځور وړاندي کوي. امريکا په دغه جگړه کي پرمختگونه لوی ښکاره کوي او پر نيمگړتياو سترگي پټوي.
د افغانستان د دفاع وزارت ويلي دي چي د بگرام له زندان څخه د افغان دولت تر کنترول لاندي زندانونو ته د بنديانو د ليږد بهير پيل شوی دئ. د بگرام زندان د امريکايانو تر کنترول لاندي دئ.
د کندهار په ښار کي د یکشنبې په ورځ اوه کسان د یوه موټر بم د چاودني له امله ووژل شول. د قندهار د والي په خبره په وژل شوو کسانو کي پنځه پولیس او دوه ملکي کسان شامل دي. هغه ویلي دي چي په پیښه کي ۱۹ کسان ټپیان شوي هم دي.
په روزگان ولايت کي د طالبانو يو پياوړی قوماندان ملاعبدالصمد د خپلو انډيوالانو سره يو ځای د سولي له پروسې سره يو ځای سوی دئ.
د ملگرو ملتونو له خوا په خپور شوي رپوټ کې راغلي دي چې تیر کال د افغانانو له پاره تر ټولو خونړی کال وو.
د کار نړيوال سازمان اندېښنه ښوولې ده چي ددغو ماشومانو کار د کورنيو په اقتصاد پوري اړه لري.
